Bantay Radyo

[OPINYON] BISAG ting-uwan na aduna pa gihapoy mga parte sa Sugbo nga bisag tulo wala gyuy mogawas sa ilang gripo. Ngano man kaha ni? Sa kadugay nang problema sa tubig wala gyud ni masulbad sa gobyerno? Niadtong 2016 kung mahinumdum pa mo, hapit tibuok dakbayan sa Sugbo nawad-an og tubig, gani mideklarar man si Mayor Mike Rama atong panahona og state of emergency tungod sa maong panghitabo. Nahubas na ang Buhisan dam, hapit wala nay moagas sa mga gripo. Girasyon na lang tawna ng tubig sa kada balay. Ana ka nihit ang tubig atong panahona. Pero unsay aksyon sa gobyerno? Tinuod, aduna gyuy sitwasyon nga dili nato mapugngan sama anang El Nino nga way uwan, mahubas gyud ang dam hilabi na nga daghan mogamit sa tubig niini. Pero kahibaw naman ta nga mao ni ang mahitabo, pureso kinahanglan gyud og long-term solution. Kay tubig is life matud pa sa mga millennial. Tinuod ra ba gyud.   Karon kung unsa ka abunda sa baha sa atong palibot, nganong aduna pa man gihapoy mga panimalay nga way agas i...

  GIBAHARAN sa Department of Environment and Natural Resources (DENR) reigon 7 ang publiko nga dili magpataka og pangolekta og mga tanum ug hayop hilabi na kung protektado kini ubos sa Republic Act 9147 or the Wildlife Resources Conservation and Protection Act. Matud pa ni DENR 7 Regional Executive Director Paquito D. Melicor, ang pagpamutop, pagkolekta ug pagpanguha og wild plant sa kalasangan kay sukwahi kini sa RA 9147. Matud pa ni Melicor kung dili ni bantayan, posibleng mangahurot ang mga tanum ug hayop nga sa kasamtangan gamay na lang maong giprotektahan kini sa gobyerno. Dungag pa niya, aduna nay mga tawo sa DENR ug mga otoridad nga nagbantay sa mga airport ug pier para modakop sa mga makalapas sa maong balaud. Ang masakpan nga nanguha ug namaligya sa mga wild plants ug hayop pwedeng mapriso og duha hangtud upat ka tuig ug multahan og P30,000 hangtud P300,000. Samtang ang magdala sa maong mga protektadong mga tanum ug hayop pamultahon og P5,000 hangtud P300,000.   Spons...