Dili Merry ang Pasko sa taga ABS-CBN

WAY SAPAYAN! by Liv G Campo

DILI MERRY ang Pasko sa mga trabahante o anaa magsalig sa ABS-CBN tungod sa hulga ni Presidente nga babagan niya ang pagpasar sa prangkisa sa maong istasyon.

Tulo na lang kabuwan mapupos na ang kasamtangang gigamit ron nga prangkisa sa ABS-CBN, ug wala nay sesyon ang Kongreso karong tuiga. Dili pa sab sigurado kung inig balik dayun niini sa bag-ong tuig, mao kiniy ang unahon og tuki. Kini bisan pa man sa pasalig sa mga kongresista nga pabor sa paghatag og dugang 25 anyos sa ABS-CBN. 

Bisan pa man sa gipamulong sa Presidente, daghan pa gihapong mga grupo ug kongresista nga misuporta sa ABS-CBN tungod kay ang isyu sa prangkisa labaw pa sa personal nga ego sa usa ka nasilo nga presidente. Matud pa sa mga mambabalaud sama ni Deputy Speaker Vilma Santos-Recto, institution na ang ABS-CBN ug daghang mga Pilipino ang naserbisyuan niini. 

Gawas pa niana, ang ABS-CBN adunay 6,730 ka mga regular nga empleyado, 900 nga contractual ug dili mominus sa 3,000 nga mga talento, base sa datus sa 2018.

Tiaw mo na, kung tinud-on nga sirad-an ni Duterte ang maong istasyon, magdungan gyud og ngaab ang mga liboan ka mga empleyado ug mga tigtan-awan sa Ang Probinsyano, It’s Showtime!, Rated K, Killer Bride ug uban pang mga paboritong programa nga diha lang makita sa ABS-CBN. 

Dili gyud siguro maayo ang Pasko ron sa mga trabahante ug talents sa ABS-CBN hilabi na nga posible sa sunod tuig, wala na silay trabaho. Kadaghang pamilya ang makulban sa kon sa Presidente kung magmagahi gyud siya.

Unta, dili na lang mangilabot ang Presidente sa maong isyu, tutal anaa man sa mga kamot sa mga kongresista ang pagpasar sa prangkisa sa ABS-CBN. Ug unta pud, ang atong mga kongresista dili magpaitoy-itoy sa Presidente kay ang katawhan man ang ilang kinahanglang serbisyuan, nga bisag unsa pay ipamulong sa Presidente, makahuna-huna  unta sila nga independent ang Legislative. Pasabot, dili sila magawngan sa Executive - diin mao ang departamento sa Presidente.

Kung buhaton gyud ni Duterte ang iyang bahad, tinuod naigo niya ang iyang mga kontra, ang mga Lopez nga tag-iya sa ABS-CBN. Apan mas dako og danyos ang matagamtaman sa mga tawo nga nanginabuhi sa maong istasyon. Ug kung wala na sa huna-huna ni Duterte, dili diay siya seryuso sa iyang saad: nga ang iyang kasing-kasing anaa sa katawhan. 

Daghang salamat ug way sapayan! 

Comments

Post a Comment

Popular posts from this blog

Ahong Mikakak

Image
MIKAKAK si Lapu-Lapu City Mayor Ahong Chan human gibadlong ni Presidential Spokesperson Harry Roque ang iyang Executive Order nga nagdili sa mga residente sa pagsud sa mga tindahan kung walay bakuna. Magsugod na unta ang “no vaccine, no entry” nga mando ni Chan karong Agusto 25 apan dali kini niyang gibakwi. “Breaking lang po. Nakakuha po tayo ng komunikasyon mula po kay Mayor Ahong ng Lapu-Lapu City, at yung kanyang EO No. 40 daw po na nagsasabi na di pwedeng pumasok sa mga commercial centers ang mga non-vaccinated has been revoked,” matud pa ni Roque. Ni Roque pa wala nay gamit ang EO ni Chan tungod kay gibutang naman sa MECQ ang tibuok dakbayan pasabot dili na gihapon kagawas ang kadaghanan tungod sa mga restrictions. “Uulitin ko po. Yung kontrobersyal na EO 40 sa Lapu-Lapu City has been revoked dahil ang Lapu-Lapu City ay napasailalim na sa MECQ, so wala na pong dahilan para ipatupad ang EO 40 dahil yun po ay para sa deklarasyon sa MGCQ lamang,” niya pa. Hangtud pa sa Agusto 15 an...
Read more

P194M nga shabu gilanay

Image
DILI mominus sa P194 milyones nga shabu ang gilanay sa Apo Cement Therman Facility sa Naga City Martes sa buntag. Gisunog sa grupo sa City Government thru the City of Naga Anti-Drug Abuse Council (CNADAC), Philippine Drug Enforcement Agency (PDEA) 7, APO Cement Corporation ug Regional Director of Philippine National Police 7(PNP-7) ang 80 ka kilos nga shabu nga nasakmit sa nagkalain-lain pagpangronda, buy-bust ug uban pang operation sa kapulisan sa mga milabay’ng buwan.
Read more

AMORES MIHIMAKAK SA PASANGIL NI AHONG

Image
LAPU-LAPU CITY Councilor Rico Amores mihimakak sa pasangil ni Mayor Ahong Chan nga nanghagit siya’g gubat sa mayor. “Sa issue nga nanghagit kuno kog gubat sa mayor, dili intawn ni tinuod,” matud pa ni Amores sa iyang FB live.   Sa iyang Facebook post gahapon, si Chan nangkanayon nga gisultian siya sa usa ka konsehal nga miingun si Amores nga “gubat na kini”.   Apan hugot kining gihimakak sa konsehal, matud pa niya, konsehal ra siya, wa siyay gahum nga gubaton ang mayor. Wala sab siyay plano nga buhaton kini bisan og kontra-partido pa sila kay amigo sila.   “Aron masayud ang tanan, ang akong mga tawo ang casualty sa gubat ni Mayor Chan. Kay gitaktak silang tanan. Karon lang gyud ko motingog ani. Wala gyud mo kadungog nako diri sa FB or sa akong programa sa radyo nga nagyawyaw sa gibuhat sa mayor. Nganu? Kay dili ko gusto og gubot. Kinsa man kong makiggubat sa mayor nga konsehal ra man ko, wala man koy executive power sama niya,” matud pa ni Amores. Dungag pa sa konsehal n...
Read more