Ahong Mikakak

MIKAKAK si Lapu-Lapu City Mayor Ahong Chan human gibadlong ni Presidential Spokesperson Harry Roque ang iyang Executive Order nga nagdili sa mga residente sa pagsud sa mga tindahan kung walay bakuna.

Magsugod na unta ang “no vaccine, no entry” nga mando ni Chan karong Agusto 25 apan dali kini niyang gibakwi.

“Breaking lang po. Nakakuha po tayo ng komunikasyon mula po kay Mayor Ahong ng Lapu-Lapu City, at yung kanyang EO No. 40 daw po na nagsasabi na di pwedeng pumasok sa mga commercial centers ang mga non-vaccinated has been revoked,” matud pa ni Roque.

Ni Roque pa wala nay gamit ang EO ni Chan tungod kay gibutang naman sa MECQ ang tibuok dakbayan pasabot dili na gihapon kagawas ang kadaghanan tungod sa mga restrictions.

“Uulitin ko po. Yung kontrobersyal na EO 40 sa Lapu-Lapu City has been revoked dahil ang Lapu-Lapu City ay napasailalim na sa MECQ, so wala na pong dahilan para ipatupad ang EO 40 dahil yun po ay para sa deklarasyon sa MGCQ lamang,” niya pa.

Hangtud pa sa Agusto 15 ang MECQ sa maong dakbayan.

Mahinumduman nga gisaway si Chan tungod sa iyang EO 40 nga matud pa sa mga Opanganon dili makatarunganon tungod kay aduna pud silay katungod nga dili magpabakuna. Og ang uban misaway kay gawas sa hinay ang pagpamakuna sa dakbayan, kuwang usab ang supply sa bakuna.

Base sa July 30 nga datus sa Lapu-Lapu, anaa pa sa 105,459 ka mga Oponganon ang nabakunahan, 75,048 niini ang first dose samtang 30,411 ang nakakumpleto na. Ang dakbayan adunay 318, 480 ka mga residente.

“I commend Mayor Ahong for this innovation pero siguro po hindi pa napapanahon  kasi yang mga ganyang restirctions po pinapatupad ng France at Estados Unidos kasi nakabakuna na sila ng more than 50 percent ng kanilang population,” matud pa ni Roque.

 

Sponsored by: Lacto Pafi