Kongreso atimanon ang prangkisa sa ABS-CBN

MISAAD Palawan 1st District Representative Franz Alvarez  nga tukion na nila sa Ubos Balay Balauran ang mga balaudnon nga maghatag og dugang 25 anyos sa ABS-CBN sa dili pa kini mapupus karong Marso.

“The advice of Speaker Alan [Peter Cayetano] to us was to make sure that we would be always fair and impartial in reviewing the application of ABS-CBN, or the application of any other public utility, for that matter. At the same time it is Congress' duty to accept complaints and hear issue brought up in any complaint or objection,” matud pa ni Alvarez. 

Apan midugag si Alvarez nga ang pahatag og prangkisa “is not a right, but a privilege.”

“This is why we have to hear all sides, and find out if ABS-CBN violated the provisions of its franchise,” niya pa.

Hanap pa gihapon ang tsansa nga mahataga og prangkisa ang ABS-CBN tungod sa bahad ni Presidente Duterte ug sa iyang running mate sa 2016 election nga si Speaker Alan Peter Cayetano, nga adunay mga kaligutgot sa maong istasyon.

Giakusahan sa Presidente ang ABS-CBN nga nangilad niya tungod sa wala pagpagawas sa iyang campaign ad sa 2016 samtang si Cayetano mialegar nga wala hatagi og patas nga airtime ang mga milangsad og bise presidente sa susamang tuig. Si Cayateno midagan og bise presidente uban kang Duterte apan napildi kining Leni Robredo.

Apan ni Alvarez pa, usa kini sa mga isyu nga ilang tukion sa iyang komitiba aron masayran kung lehitimo ang pasangil sa Presidente ug ni Cayetano.

Sa wala pa matapos ang tuig 2019, misaad si Cayateno nga sa dili pa sila mag-recess tukion sa Kongreso ang maong mga balad-unon, apan wala kini madayun. Kini human nanganti na usab si Duterte nga iyang babagan ang paghatag og bag-ong prangkisa ang ABS-CBN, gani miawhag pa kini sa mga tag-iya niini nga ibaligya na lang ang maong istasyon.

Sa laing bahin, daghang mga netizen ang wala makauyon sa plano sa Presidente kay matud pa nila, gitangtangan sa ni Duterte og gahum ang Kongreso sa paghimo og ilang desisyon. Dugang pa sa mga netizen, susama sa panahon sa kanhi diktador nga si Ferdinand Marcos ang nahitabo karon sa nasud, diin tagsa-tagsang gipasira ang mga media outlet nga mobatok sa naglingkod nga presidente. Mahinumduman nga unang gibuhat ni Duterte sa panglingkod niya sa Malacanyang mao ang paglubong ni Marcos sa Libingan ng mga Bayani bisan pa man sa kabaga sa mga reklamo batok sa maong desisyon.