Bantay Radyo

MIAPIL na si Sen. Manny Pacquaio sa isyu karon sa prangkisa sa ABS-CBN nga wala pa gihapon matuki sa Kongreso. Giawhag sa senador nga atimanon na ang mga balaudnon nga maghatag og dugang prangkisa sa ABS-CBN hilabi na nga sunod buwan na lang kutob ang prangkisa niini. Aduna nay 11 ka mga balaudnon nga pabor sa paghatag og dugang prangkisa sa ABS-CBN nga nag-ung-ong ron sa Ubos Balay Balauran ug laing tulo ang naa sa Senado. Matud pa ni Sen. Pacquiao taliwala sa pulitika nga naghari ron sa maong isyu, adunay liboan ka mga empleyado ang mawad-an og trabaho. Mahinumduman nga gikan sa pobre ang senador nga nahimong sikat nga boksidor.   “Aaralin nating mabuti ‘yan kasi marami ring ikunsidera na mawawalan ng trabaho,” matud pa ni Pacquiao. Dungag pa niya, kung aduna man ganiy kapakyasan sa balaud ang ABS-CBN, kinahanglan ipadangat kini sa sakto nga venue aron matubag. Niya pa, ang pagpasira sa maong network dili solusyon sa maong isyu, apan kung mapamatud-an ...

MIKANAUG na ang kaso sa #coronavirus disease kun #covid19 sa China sulod sa duha ka adlaw. Ang bag-ong kaso anaa na lang sa 1,749 ug ang bag-ong natala nga namatay naa sa 136 sa maong nasud.  Padayun pa gihapon ang pag-quarantine sa mga pasahero sa cruise ship sa Japan diin naa sa 542 na ang naigo sa maong sakit. Ang pagpabilin sa barko sa mga pasahero niini gihimo aron dili na mokatap ang maong sakit kay mao kiniy pinakadaghang kaso gawas sa China.  Ang total nga kaso sa China naa na sa 74,185 ug ang patay naa sa 2,004. Base sa natala nga bag-ong mga kaso, ang nataptan kada adlaw anaa na lang sa ubos sa 2,000 sulod sa duka ka adlaw.  Matud pa ni Chinese President Xi Jinping kontrolado na nila ang maong outbreak.  Sa laing bahin, ang United Nations mipahayag na usab nga kontrolado na ang maong virus apan gipangandaman gihapon kini sa tanang mga nasud sa tibuok kalibutan. Mahinumduman nga gisirad-an sa China ang mga lugar sama sa Wuhan ug ubang mga duol nga...

SOBRA sa P70.5 ka bilyones nga buhis ang nabayad sa ABS-CBN sa gobyerno sulod sa 17 ka tuig niini nga operasyon, matud pa sa opisyal nga statement sa network. "Ang ABS-CBN ay isa sa mga pinakamalaking taxpayer sa bansa, sa nakalipas na 17 taon, umabot na sa P70.5 bilyon ang binayarang buhis ng ABS-CBN sa gobyerno," matud pa sa network. Ang maong pamahayag giluwat taliwala sa alegasyon nga ang maong istasyon utangan sa gobyerno. Apan matud pa sa ABS-CBN, gihatagan na sila og certification sa Court of Tax Appeals human gibayran nila ang ilang buhis sa miaging tuig. Ang maong certification nagpamatuod nga walay utang ang maong network sa Bureau of Internal Revenue (BIR). "Ipinagmamalaki ng ABS-CBN ang pamamalakad ng organisasyon nang may buong katapatan at integridad. Walang utang na hindi nababayaran ang ABS-CBN sa anumang bangko," dungag pa sa maong istasyon. Ang prangkisa sa ABS-CBN mapupos na sa Marso 30, 2020 ug aduna nay naduso sa Kongreso nga 10 ka ...

LIBOAN ka pamilya ang kuyaw nga maulban sa kon kung magpadayon ang pagkatalawan ni House Speaker Alan Cayateno.  Niadtong Desyembre lang misaad si Cayetano nga tukion na sa Ubos Balay Balauran ang mga balaudnon nga naglaraw nga mahatagan og dugang 25 anyos nga prangkisa ang ABS-CBN, apan wala kini mahitabo. Nahuman na lang ang 2019 wala gyud ma-calendar sa Ubos Balay Balauran (Lower House) ang bisag usa aning 10 ka mga balad-on. Ngano? Kay kalit nga mikuyos ang itlog aning Cayetano human nangisog na pud si Presidente Duterte nga dili niya hatagan og bag-ong prangkisa ang maong higanteng network. Apan nalimot si Cayetano nga independent ang House of Representatives sa Office of the President. O, itoy ni siya sa presidente? Pero mismong si Malacanang spokesperson Sal Panelo nagkanayon na nga walay labot ang presidente kung unsa may buhaton sa Kongreso tungod kay managlahi man ang duha ka branch sa nasud. Balikon nato ang leksyon sa elementarya pa kita. Tulo ang branch sa goby...

PABOR ang beteranang aktres nga si Coney Reyes nga mahatagan og dugang 25 anyos ang prangkisa sa ABS-CBN tungod sa liboan ka mga trabahante nga nanginabuhi niini. “I feel for them and I’m really praying that they go through this beautifully, kasi ang daming tao maapektuhan sobra. Dami kong kaibigan don, I’m praying also for them, and I’m really hoping for the best for them, I’m sure ‘di sila pababayaan ng Diyos,” matud pa ni Coney. Gipahinumduman na ni Bayan Muna Representatives Carlos Zarate ug Ferdinand Gaite si House Speaker Alan Cayetano sa saad niini nga tukion na sa Kongreso ang prangkisa sa ABS-CBN. Daan nang nisaad na si Cayatano sa patas nga pagtuki sa maong balaudnon. Matud pa sa miembro sa Makabayan, wala pa ma-schedule ang hearing sa mga balaudnon nga naglaraw nga mohatag og bag-ong prangkisa sa ABS-CBN.  Sa laing bahin, ang mga artista ug mga trabahante sa maong higanteng network mihangyo sa Kongreso nga atimanon na ang maong isyu. Hangtud na lan...

SOLD OUT na sa Sugbo ang mga surgical masks, vitamin C ug mga probiotic drink sama sa #LactoPafi. Human sa pipila ka adlaw nga gilinyahan sa mga tawo ang surgical mask sa mga botika sa Cebu, nangahurot na kini. Gani ang presyo gikan sa P300 kada box (50 pa mask ang sulod) misaka ang presyo niini sa P500 pataas. Ang demand sa surgical mask misaka taliwala sa hulga sa novel #coronavirus diin duha ang nagpositibo sa nasud ug usa niini ang namatay.  Adunay ubang mga online seller nga ginegosyo pud ang panghitabo. Ang sa una nga tag P5 nga mask, gipamaligya og P300 kada usa. Aduna puy mga scammer nga namaligya tuod og barato apan mangayo og bayad daan, ug kun makabayad na ang mopalit, takwaho lang mawagtang. Pahimangno sa mga otoridad sa publiko nga magbinantayon, ug kung wala nay mapalit nga surgical mask, pwede rang mogamit og panapton nga itap-ong sa baba ug ilong.  Apan matud pa sa Department of Health, kung wala masakit ang usa ka tawo, pwede ra dili mogamit og mask. A...

NAMATAY ang usa ka bata nga adunay cerebral palsy human wala nay mopakaon niini sulod sa pipila ka adlaw didto sa Hubei, China. Ang bata nga si Yan Chen g, 17 anyos, nahabilin nga nag-inusara sa iyang wheelchair sa dihang gikuha sa otoridad ang iyang amahan human kini nakit-an nga adunay sintomas sa novel #coronavirus. Ang maong bata dili makatabi, dili sab makakaon ug makalakaw nga siya rang usa. Iyang amahan nga si  Yan Xiaowen gi-quarantine niadtong Enero 22.  Nag-post pa ang amahan sa iyang Facebook nga tabangan ang iyang anak, apan, matud pa, ulahi na ang tanan. Ang anak namatay niadtong Enero 29. "Yan Xiaowen was unable to take care of Yan Cheng's daily life (because of being in isolation)... so he entrusted his relatives, village cadres and village doctors to take care of Yan Cheng," matud pa sa usa ka opisyal sa gobyerno. Ang kamatayon sa bata miresulta sa pagkatangtang sa trabaho sa mga opisyales sa gobyerno sa Hubei.