OPINION: 7,000 ka pamilya ang magutman tungod sa katalawan ni Cayetano

LIBOAN ka pamilya ang kuyaw nga maulban sa kon kung magpadayon ang pagkatalawan ni House Speaker Alan Cayateno. 

 Niadtong Desyembre lang misaad si Cayetano nga tukion na sa Ubos Balay Balauran ang mga balaudnon nga naglaraw nga mahatagan og dugang 25 anyos nga prangkisa ang ABS-CBN, apan wala kini mahitabo. Nahuman na lang ang 2019 wala gyud ma-calendar sa Ubos Balay Balauran (Lower House) ang bisag usa aning 10 ka mga balad-on. Ngano? Kay kalit nga mikuyos ang itlog aning Cayetano human nangisog na pud si Presidente Duterte nga dili niya hatagan og bag-ong prangkisa ang maong higanteng network.

 Apan nalimot si Cayetano nga independent ang House of Representatives sa Office of the President. O, itoy ni siya sa presidente? Pero mismong si Malacanang spokesperson Sal Panelo nagkanayon na nga walay labot ang presidente kung unsa may buhaton sa Kongreso tungod kay managlahi man ang duha ka branch sa nasud. Balikon nato ang leksyon sa elementarya pa kita. Tulo ang branch sa gobyerno sa Pilipinas: Ang executive diin ang presidente maoy nagdala, ang legislative diin sakop niini ang House of Representative ug ang tibuok Kongreso, ug ang judiciary diin apil ang tanang korte ug mga ahensiyang judicial sa gobyerno. Kining tulo ka branch sa gobyerno patas ang ilang gahum, walay labaw bisag usa ka nila - pasabot dili pwedeng modiktar ang presidente sa Senado o House of Representatives o sa bisan asa pang korte sa nasud. Gibuhat kini para naay check and balance sa atong gobyerno, meaning, naay makakwestyon kung adunay mga binuang sa opisina sa presidente ug bisang asa pa mang bahin sa executive department or bisag sa legislative o judicial branch. 

 Mao nang sakto si Panelo sa pag-ingun niya nga anaa na sa Kongreso ang bola sa prangkisa sa ABS-CBN kay tinuod man. Sila may gihatagan og gahum sa Constitution mga mohatag og mga prangkisa sa mga negosyo. Ang presidente igo lang moaprubar o mo-veto niini.

 Pero naunsa mang pagkaunsaa nga natalaw man og kalit si Cayeteno sa dihang nanganti na usab ang presidente. Nalimot na ba nis Cayetano nga dili pwedeng diktahan ang Kongerso sa presidente? Danghan nang mga mambabalaud ang miawhag ni Cayetano nga tukion na ang mga baladudnon kabahin sa paghatag og prangkisa sa ABS-CBN, apan hangtud karon, niining pagkasulata, wala pa gihapon ni na-calendar bisag usa sa napulo ka mga balaudnon nga giduso nila ni Rep Sol Aragones, Nueva Ecija Rep. Micaela Violago, Deputy Speakers Vilma Santos and Baby Arenas, Occidental Mindoro Rep. Josephine Ramirez-Sato, Cagayan de Oro Rep. Rufus Rodriguez, ug Albay Rep. Joey Salceda.

 Maayo pa tong ubang mga kongresista nagsud-ong pa sa kahimtang sa 7,000 ka mga pamilya nga magutman kung madayon ang pagkasira sa ABS-CBN. Hangtud Marso 30 na lang ang prangkisa sa ABS-CBN. Si Cayetano hinuon nga misikat tungod sa iyang amahan nga gikan sa ABS-CBN, mura na lag robot ni Duterte. 

 Sa mga nahitabo karon, tataw kaayo nga mas gipili pa ni Cayetano nga protektahan ang iyang political career kaysa kaugmaon sa 7,000 ka mga pamilya nga nagsalig sa ABS-CBN. Kung madayun nga masira ang maong istasyon, usa ra gyud atong mabasol: ang pagkatalawan ni Cayetano.

 Tigsulat: VATSKI
Email: vatski@gmail.com

Comments

Post a Comment

Popular posts from this blog

KONTROBERSYAL NGA RECLAMATION SA LACION

Image
DAKONG isyu karon dili lang sa Sugbo kundi sa tibuok nasud ang reclamation project sa Consolacion kay gawas sa dili mominus sa 2 mil ka nga trabahante sa shipyard ang mawad-an og trabaho, dakong baha ang gikahadlukan nga moresulta tungod niini. Niadtong Hulyo gimandoan na ni Judge Allan Francisco Garciano sa Mandaue City Regional Trial Court 83 si Mayor Joannes Alegado nga dili ipasira ang mga shipyard sa Consolacion samtang aduna pay kaso bahin niini. Ang order ni Judge Garciano epektibo hangtud Disyembre ning tuiga, apan gipadayun pa gihapon ni Mayor Alegado ang pagpa-survey sa yuta sa Tayud diin 235 ka ektarya sa dagat ug baybayon niini ang tabunan o i-reclaim para himuong Seafront City. Tiaw mo na pwerteng kadako sa maong dagat sa Consolacion ang mawa tungod sa maong ambisyusong proyekto sa mga Alegado. Pila man sad kaha ka pamilya ang magutman kay mawad-an og panginabuhian sa kadagatan? Matud pa ni Bise Mayor Nene Alegado wala na kunoy mangisdaay sa Consolacion. Kadakong binuang. ...
Read more

PAMILYA SA GI-CHOP CHOP NANGAYO OG TABANG

Image
Angelie Lopez Kintanar NANGAYO og tabang ang pamilya ni Angelie Lopez- Kintanar nga makab-ot nila ang hustisya sa kamatayon sa ilang kapamilya, kinsang patayng lawas nakit-an nga gi-chop chop. Niadtong miaging tuig nabalita nga missing ang biktima, apan niini lang Enero nahibaw-an nga siya kadtong napalgan sa sapa sa Talamban nga gi-chop chop na.   Apan matud pa sa iyang igsuon nga si Ronald, hinay ang dagan sa imbestigasyon maong migamit na lang sila sa social media sa paglaum nga matabangan sila nga mapaspasan ang pagpadagan sa kaaso. Ang gi-chop chop nga lawas ni Angelie Base sa inisyal nga imbestigasyon, gituohan nga gipatay ang biktima sulod sa mga petsa Oktubre 19-22, 2020. Ang iyang lawas nga gitagod-tagod na gipaanod sa sapa sa Mandaue ug napalgan ang uban niini nga gisud sa sako sa Sitio Kalubihan sa Talamban, dakbayan sa Sugbo. Walay ulo, mga kamot ug tiil ang naa sa sako. Ang usa ka kamot napalgan sa Ouano Wharf sa Looc, Mandaue City, ug ang ulo sa Cabahug Wharf. Gipayub...
Read more

Ahong Mikakak

Image
MIKAKAK si Lapu-Lapu City Mayor Ahong Chan human gibadlong ni Presidential Spokesperson Harry Roque ang iyang Executive Order nga nagdili sa mga residente sa pagsud sa mga tindahan kung walay bakuna. Magsugod na unta ang “no vaccine, no entry” nga mando ni Chan karong Agusto 25 apan dali kini niyang gibakwi. “Breaking lang po. Nakakuha po tayo ng komunikasyon mula po kay Mayor Ahong ng Lapu-Lapu City, at yung kanyang EO No. 40 daw po na nagsasabi na di pwedeng pumasok sa mga commercial centers ang mga non-vaccinated has been revoked,” matud pa ni Roque. Ni Roque pa wala nay gamit ang EO ni Chan tungod kay gibutang naman sa MECQ ang tibuok dakbayan pasabot dili na gihapon kagawas ang kadaghanan tungod sa mga restrictions. “Uulitin ko po. Yung kontrobersyal na EO 40 sa Lapu-Lapu City has been revoked dahil ang Lapu-Lapu City ay napasailalim na sa MECQ, so wala na pong dahilan para ipatupad ang EO 40 dahil yun po ay para sa deklarasyon sa MGCQ lamang,” niya pa. Hangtud pa sa Agusto 15 an...
Read more