Gawas sa surgical masks, vitamin C, probiotic drink SOLD OUT sa CEBU
Human sa pipila ka adlaw nga gilinyahan sa mga tawo ang surgical mask sa mga botika sa Cebu, nangahurot na kini. Gani ang presyo gikan sa P300 kada box (50 pa mask ang sulod) misaka ang presyo niini sa P500 pataas. Ang demand sa surgical mask misaka taliwala sa hulga sa novel #coronavirus diin duha ang nagpositibo sa nasud ug usa niini ang namatay.
Adunay ubang mga online seller nga ginegosyo pud ang panghitabo. Ang sa una nga tag P5 nga mask, gipamaligya og P300 kada usa. Aduna puy mga scammer nga namaligya tuod og barato apan mangayo og bayad daan, ug kun makabayad na ang mopalit, takwaho lang mawagtang. Pahimangno sa mga otoridad sa publiko nga magbinantayon, ug kung wala nay mapalit nga surgical mask, pwede rang mogamit og panapton nga itap-ong sa baba ug ilong.
Apan matud pa sa Department of Health, kung wala masakit ang usa ka tawo, pwede ra dili mogamit og mask. Advice sa DoH para malikayan ang coronavirus, mao ang pagkaon og mga masustansyang pagkaon ug pag-inum og vitamin C ug probiotic drink para mahimsug ang lawas ug makalikay sa mga sakit sama sa nCoV.
Tungod sa maong advice sa DoH, dili lang mga mask ang gipamakyaw sa katawhan kundi apil na ang mga vitamin C ug probiotic drink sama sa Lacto Pafi. Matud pa ni Leila Soria Solutan, marketing manager sa Lactobiotics Worldwide Corp. - ang tiggama sa Lacto Pafi, nahurot ang ilang stocks sa ubang mga botika sa Sugbo. Apan matud pa ni Solutan, nag-restock na sila sa Rose Pharmacy outlets, The Hive Concept Store sa P. del Rosario St., mga tindahan sa Gaisano ug sa ilang sales office sa Sanciangco Street, Cebu City.
Dungag pa ni Solutan, bisan sa dakong demand sa ilang produkto, nagpabilin pa gihapon ang ilang presyo sama sa 220 ML sa Lacto Pafi nga tag P77.
 |
| Bag-ong stocks sa Lacto Pafi sa Sales Office sa Sanciangco St. |
Comments
Post a Comment