[OPINION] #ABSCBNShutdown: Ang tinuod nga mga biktima

WAY SAPAYAN
ni VATSKI

NAPAWNG na tuod sa kahanginan ang ABS-CBN nunot sa mando sa National Telecommunications Commission (NTC) human napupos na ang prangkisa sa maong higanteng network.

Wala nay ABS-CBN sa kahanginan, wala nay income ang mga Lopez ug tanang tag-iya niini.

Wala nay ABS-CBN, wala na say trabaho ang 11 mil ka nga trabahante.

Wala nay ABS-CBN, wala nay matan-aw nga salida ang mga taga bukid ug mga taga isla. 

Wala nay ABS-CBN, wala nay drama ug balita sa radyo ang mga mag-uuma ug mga ordinaryong tawo sa bukid.

Pipila ka adlaw lang human gipatay sa NTC ang ABS-CBN, gibanhaw ang mga balita ug ubang salida sa maong istasyon pinaagi sa ANC, Facebook platforms sa ABS-CBN ug sa ilang Youtube og website. Gani sa unang adlaw pa lang sa TV Patrol online, gitan-aw na kini og 7 milyones ka mga tawo. Meaning, nibalik ang ABS-CBN, nibalik ang income alang sa mga tag-iya niini ug nibalik na usab ang sweldo alang sa ubang mga trabahante niini.

Hinuon nisaad man ang mga Lopez nga walay trabahante nga mataktak sa maong istasyon sulod sa tulo ka buwan nga dili sila makabalik sa ere. 

So, kinsa gyud diay ang alaot? 

Ang alaot ang mga ordinaryong tawo nga walay internet sa ilang lugar, ang mga mag-uuma nga nagsalig ra sa ilang transistor radio alang sa ilang source sa balita ug kalingawan. Ang alaot ang mga inahan, ang mga lola ug lolo nga kada buntag, hapon ug gabii mag-atubang sa TV para motan-aw og balita ug mga paborito nilang mga salida.

Balhin na lang sila sa GMA? Dili ingun ana ka sayun hilabi na nga kung nagdako gyud ka nga ABS-CBN ang imong gitan-aw ug gipaminaw. Usa pa, adunay mga parte sa nasud nga usa ra ka istasyon ang makasud, naay uban GMA ra, adunay uban nga ABS-CBN ra sab.

Swerte ang maka-afford og internet kay makakita pa man gihapon sila sa ilang mga paboritong salida sa Facebook o Youtube. Pero silang lolo ug lola nga TV ug radyo ra gyuy makapalipay nila? Hilabi na karong panahona nga dili pa silang pwedeng mogawas. Mag-unsa nalang sila? 

Sa kadaghan nga nangalipay ron nga napawng na ang ABS-CBN sa TV ug iyang mga igsuong radyo, unta gilantaw gyud nila pag-ayo nga dili ang mga Lopez ang dakong apektado niini. Ang ABS-CBN usa ra sa ilang mga negosyo, datu gihapon sila bisag dili na motingog ang ABS-CBN. 

Kinsa ang apektado? Silang mama, papa, lolo ug lola ra nimo. 


Comments

Post a Comment

Popular posts from this blog

Ahong Mikakak

Image
MIKAKAK si Lapu-Lapu City Mayor Ahong Chan human gibadlong ni Presidential Spokesperson Harry Roque ang iyang Executive Order nga nagdili sa mga residente sa pagsud sa mga tindahan kung walay bakuna. Magsugod na unta ang “no vaccine, no entry” nga mando ni Chan karong Agusto 25 apan dali kini niyang gibakwi. “Breaking lang po. Nakakuha po tayo ng komunikasyon mula po kay Mayor Ahong ng Lapu-Lapu City, at yung kanyang EO No. 40 daw po na nagsasabi na di pwedeng pumasok sa mga commercial centers ang mga non-vaccinated has been revoked,” matud pa ni Roque. Ni Roque pa wala nay gamit ang EO ni Chan tungod kay gibutang naman sa MECQ ang tibuok dakbayan pasabot dili na gihapon kagawas ang kadaghanan tungod sa mga restrictions. “Uulitin ko po. Yung kontrobersyal na EO 40 sa Lapu-Lapu City has been revoked dahil ang Lapu-Lapu City ay napasailalim na sa MECQ, so wala na pong dahilan para ipatupad ang EO 40 dahil yun po ay para sa deklarasyon sa MGCQ lamang,” niya pa. Hangtud pa sa Agusto 15 an...
Read more

P194M nga shabu gilanay

Image
DILI mominus sa P194 milyones nga shabu ang gilanay sa Apo Cement Therman Facility sa Naga City Martes sa buntag. Gisunog sa grupo sa City Government thru the City of Naga Anti-Drug Abuse Council (CNADAC), Philippine Drug Enforcement Agency (PDEA) 7, APO Cement Corporation ug Regional Director of Philippine National Police 7(PNP-7) ang 80 ka kilos nga shabu nga nasakmit sa nagkalain-lain pagpangronda, buy-bust ug uban pang operation sa kapulisan sa mga milabay’ng buwan.
Read more

AMORES MIHIMAKAK SA PASANGIL NI AHONG

Image
LAPU-LAPU CITY Councilor Rico Amores mihimakak sa pasangil ni Mayor Ahong Chan nga nanghagit siya’g gubat sa mayor. “Sa issue nga nanghagit kuno kog gubat sa mayor, dili intawn ni tinuod,” matud pa ni Amores sa iyang FB live.   Sa iyang Facebook post gahapon, si Chan nangkanayon nga gisultian siya sa usa ka konsehal nga miingun si Amores nga “gubat na kini”.   Apan hugot kining gihimakak sa konsehal, matud pa niya, konsehal ra siya, wa siyay gahum nga gubaton ang mayor. Wala sab siyay plano nga buhaton kini bisan og kontra-partido pa sila kay amigo sila.   “Aron masayud ang tanan, ang akong mga tawo ang casualty sa gubat ni Mayor Chan. Kay gitaktak silang tanan. Karon lang gyud ko motingog ani. Wala gyud mo kadungog nako diri sa FB or sa akong programa sa radyo nga nagyawyaw sa gibuhat sa mayor. Nganu? Kay dili ko gusto og gubot. Kinsa man kong makiggubat sa mayor nga konsehal ra man ko, wala man koy executive power sama niya,” matud pa ni Amores. Dungag pa sa konsehal n...
Read more