Gwen mihilak

Screen Grab gikan sa Sugbo News
GOB. Gwen Garcia mihilak sa kasagmuyo nga namatay ang iyang duha ka igsuon samtang nalandig sa usa ka pribadong ospital sa dakbayan sa Sugbo.

"Wa na silang duha kay nangadtog hospital," matud pa sa gobernadora sa gipahigayong press conference sa Kapitolyo ganihang hapon.

Namatay niadtong Setyembre 1 ug Setyembre 6 si kanhi Dumanjug mayor Nelson ug Barili Mayor Marlon human malandig sa tambalanan niandtong Agusto 5. Ang duha nagpositibo sa COVID-19 apan matud pa ni Gwen, nagnegatibo na sila samtang diha pa sa ospital. Apan bisan pa man niana, gipadayon pa gihapon sa ilang mga doktor ang paghatag og mahalon nga tambal para sa covid sa duha ka pasyente.

Ni Gwen pa, Agusto 24 mihangyo si Marlon nga mouli na kay maayo na ang iyang pamati, apang ang doktor niini wala motugot. Sa sunod adlaw gihilantan na ang duha ka Garcia ug padayun nang nigrabe ang ilang kondisyon.



Duda sa pamilyang Garcia sa ICU nakuha sa duha ka pasyente ang sakit tungod kay dili man covid ang hinungdan sa ilang kamatayon base sa ilang death certificate. Namatay sila tungod sa kagaw nga gikan sa ventilator base sa ilang death certificate.

Dugang pa ni Kongresman Pablo John, iguson sa mga namatay, "modus" ang gibuhat sa mga doktor para modako ang bayranan sa iyang mga igsuon kay imbes nga ibutang na kini sila sa pribado nga kwarto, gisud na hinuon sila sa ICU diin daghang kagaw ang makuha gawas sa mahal pa kini. Nagpositibo usab sa virus si Pablo John apan wala kini magpa-ospital kay matud pa niya nahadlok siya nga mograbe ang iyang sakit kung isud siya sa tambalanan.

Mikabat sa sobra P3 milyones ang bayranan ni Nelson samtang P5.4 milyones kang Marlon, wala pay labot ang sa doktor. 

Matud pa ni Gwen, ang tambal nga tag P6,000 ra kapin, tag P80,000 sa maong tambalanan. Duda sa gobernadora nga gustong padak-on sa maong ospital ang balayranon sa pasyente para mahapak kini sa Philhealth kay libre ra man kini ug dagko nga kantidad ang pwede niining bayaran.

Ipatan-aw sa mga Garcia sa mga eksperto ang mga ebidensya para masuta kung sakto ang ilang duda nga nangkwarta ang ospital hinungdan nga namatay ang ilang mga igsuon. - LGC


 

Comments

  1. KAKASeptember 29, 2020 at 7:27 PM

    gapalabi oroy ug storya gihatod na ninyu hospital kay galisod na ug ginhawa ..... diba ??? kamo mismo kabalo ug unsa galisod imong igsoon ayaw palabi .... diba gikan man na gatoob unya nganu wala man naulian means dili effective ayaw e basol sa hospital tanan

    ReplyDelete
  2. KAKASeptember 29, 2020 at 7:29 PM

    NAG PA HOSPITAL KAY DILI NA KAYA SA LAWAS SA IMONG IGSOON MAONG AYAW IBASOL TANAN ..... DIBA NAA NAMAN MGA SAKIT IMONG MGA IGSOON DAAN NIABOT SA TAMBALANAN GALISOD NA UG GINHAWA ..... ABI KO BA EFFECTIVE INYUNG TOUB SA BALAY

    ReplyDelete

Post a Comment

Popular posts from this blog

Ahong Mikakak

Image
MIKAKAK si Lapu-Lapu City Mayor Ahong Chan human gibadlong ni Presidential Spokesperson Harry Roque ang iyang Executive Order nga nagdili sa mga residente sa pagsud sa mga tindahan kung walay bakuna. Magsugod na unta ang “no vaccine, no entry” nga mando ni Chan karong Agusto 25 apan dali kini niyang gibakwi. “Breaking lang po. Nakakuha po tayo ng komunikasyon mula po kay Mayor Ahong ng Lapu-Lapu City, at yung kanyang EO No. 40 daw po na nagsasabi na di pwedeng pumasok sa mga commercial centers ang mga non-vaccinated has been revoked,” matud pa ni Roque. Ni Roque pa wala nay gamit ang EO ni Chan tungod kay gibutang naman sa MECQ ang tibuok dakbayan pasabot dili na gihapon kagawas ang kadaghanan tungod sa mga restrictions. “Uulitin ko po. Yung kontrobersyal na EO 40 sa Lapu-Lapu City has been revoked dahil ang Lapu-Lapu City ay napasailalim na sa MECQ, so wala na pong dahilan para ipatupad ang EO 40 dahil yun po ay para sa deklarasyon sa MGCQ lamang,” niya pa. Hangtud pa sa Agusto 15 an...
Read more

P194M nga shabu gilanay

Image
DILI mominus sa P194 milyones nga shabu ang gilanay sa Apo Cement Therman Facility sa Naga City Martes sa buntag. Gisunog sa grupo sa City Government thru the City of Naga Anti-Drug Abuse Council (CNADAC), Philippine Drug Enforcement Agency (PDEA) 7, APO Cement Corporation ug Regional Director of Philippine National Police 7(PNP-7) ang 80 ka kilos nga shabu nga nasakmit sa nagkalain-lain pagpangronda, buy-bust ug uban pang operation sa kapulisan sa mga milabay’ng buwan.
Read more

AMORES MIHIMAKAK SA PASANGIL NI AHONG

Image
LAPU-LAPU CITY Councilor Rico Amores mihimakak sa pasangil ni Mayor Ahong Chan nga nanghagit siya’g gubat sa mayor. “Sa issue nga nanghagit kuno kog gubat sa mayor, dili intawn ni tinuod,” matud pa ni Amores sa iyang FB live.   Sa iyang Facebook post gahapon, si Chan nangkanayon nga gisultian siya sa usa ka konsehal nga miingun si Amores nga “gubat na kini”.   Apan hugot kining gihimakak sa konsehal, matud pa niya, konsehal ra siya, wa siyay gahum nga gubaton ang mayor. Wala sab siyay plano nga buhaton kini bisan og kontra-partido pa sila kay amigo sila.   “Aron masayud ang tanan, ang akong mga tawo ang casualty sa gubat ni Mayor Chan. Kay gitaktak silang tanan. Karon lang gyud ko motingog ani. Wala gyud mo kadungog nako diri sa FB or sa akong programa sa radyo nga nagyawyaw sa gibuhat sa mayor. Nganu? Kay dili ko gusto og gubot. Kinsa man kong makiggubat sa mayor nga konsehal ra man ko, wala man koy executive power sama niya,” matud pa ni Amores. Dungag pa sa konsehal n...
Read more