MGA TAWO Ni QUIBOLOY GIDAKOP SA AMERIKA

GIDAKOP sa FBI ang tulo ka administrator sa Kingdom of Jesus Christ (KOJC) nga gidudahang nalambigit sa unom ka tuig nga fundraising scam.

Ang mga gidakop mao sila si Guia Cabactulan, 59, Marissa Duenas, 41, ug Amanda Estopare, 48, mga miembro sa Kingdom of Jesus Christ, the Name Above Every Name (or KOJC). Gidakop sila sa mga FBI agents sa California ug Virginia human sa gipahigayon nga pangpangronda sa ilang opisina sa Van Nuys, Glendale ug Los Angeles.

Matud pa, ang tulo migamit sa usa ka children's foundation isip rason sa pagdala og mga bata gikan sa Pilipinas padung sa Amerika para gamiton sa pagpangayo og kwarta sa mga karsada.

Ang KOJC gihimo niadtong 1985 sa Davao, diin ang dako niini nga si Apollo Quiboloy miangkon nga siya ang "Appointed Son of God." Matud pa sa ilang website, aduna silang 6 million ka miembro sa tibuok kalibutan.

Matud pa sa mga imbestigador, niadtong Oktubre 2013, ang simbahan ni Qiuiboloy mokuha og visa para sa ilang mga miembro sa Pilipinas sa pasangil nga sila mopasundayag og musical event sa Amerika. Apan inig abot na nila sa maong nasud, kuhaon ang ilang mga pasaporte ug pugson sila sa pagpanarbaho isip volunteer para makakita og kwarta para sa simbahan. Matud pa, ang mga miembro ikatag sa nagkalain-laing lugar sa Amerika para mangayo og kwarta gamit ang pasangil nga para kini sa mga bata sa Pilipinas.

Apan nahibaw-an sa mga imbestigador nga ang kwarta padulong ra sa simbahan, gani gikan 2014- hangtud 2019, ang KOJC nakakolekta na og USD 20 million sa mga donasyon, matud pa sa FBI. Matud pa sa FBI nga gihatagan og quota ang mga miembro nga ipakatap sa mga karsada.

Dungag pa sa mga imbestigasyon, ang mga KOJC administrator giingung mogamit og mga ilegal nga pamaagi sama sa pagpakasal nga ilegal sa mga trabahante ug pagpa-enroll sa mga bata para lang mahatagan sila og taas nga visa. Giingun pud nga makaluluoy ang pagpuyo sa mga trabahante sa KOJC.

"KOJC workers often slept in their car overnight, parked at truck stops, or occasionally stayed in a small hotel room during their operations," matud pa sa usa ka reklamante.

Daghan aning mga trabahante ang miduol na sa FBI para mohatag sa ilang kasinatian sa maong pagpadagan sa KOJC. 

Si Cabactulan, usa sa mga dako sa U.S. KOJC administrator ug adunay direkta na koneksyon sa mga lider sa Pilipinas, maoy gitumbok nga tighupot sa mga passport sa mga biktima matud pa sa mga reklamante.

Samtang si Duenas maoy giingung tighimo og mga peke nga dokyumento nga ihatag sa immigration officials sa Amerika. Si Estopare ang tigkuha sa collections.

Ang tulo moatubang sa huwis sa immigration para atubangon ang  immigration fraud charges on Wednesday afternoon. 

Mahinumduman nga ang KOJC nakontrobyersyal sa dihang nasakpan ang manager niini sa Hawaii nga nagda og USD350,000 nga cash ug parte sa military rifle lulan ang private jet ni Quiboloy niadtong 2018.  Kuyog niadtong panahona si Quiboloy nga naaresto apan gibuhian ra usab.