Gwen miawhag sa katawhan sa paglig-on sa immune system
TUNGOD kay wala pag bakuna alang sa #Covid19, giawhag ni Gob. Gwen Garcia ang publiko nga palig-unon ang immune system sama sa pag-inum og Vitamin C, luy-a nga gipabukalan ug paghimo og home remedies para malikayan ang maong sakit.
Samtang nagpadayun ang pagbatok sa coronavirus, buot ni Garcia nga ang katawhan andam nga manalipud sa ilang kalawasan pinaagi sa pagpalig-on niini tungod kay ang immune system ang unang depense sa bisag unsa nga sakit.
Matud pa ni Garcia nga adunay mga nagpositibo nga asymptomatic kun walay sintomas hinungdan nga dakong posibilidad nga mosagol ra kini sila sa katawhan. Og kung hinay ang immune system sa tawo, dali ra kining maigo sa sakit.
“What do we do? Let’s build up immunity with available [resources]. Naa ra ug dili gani over the counter, over the gripo, kay mag-init ra man ka og tubig. Balik ta adto sa tuob-tuob. Mao man nay naagian sa atong mga lolo ug lola,” matud pa sa gobernador.
Ang tuob usa ka kinaraang pamaagi sa pag-ayo sa mga nasakit og sip-on, ubo ug hilanat. Buhaton kini pinaagi sa pagbutang og init nga tubig sa planggana diin ang pasyente nga gihabolan mosimhot sa aso sa maong tubig.
“Balik ta sa kinaraan, kaya man na. Dili man na kinahanglan og special equipment ug masabtan na sa atong kaigsuonan ngadto sa bukid. Kahibaw na sila unsa atong gistorya nga mag-lâgâ tag luy-a,” ni Garcia pa.
WATCH: Lacto Pafi health alert!
Comments
Post a Comment