Bantay Radyo

DAKONG isyu karon dili lang sa Sugbo kundi sa tibuok nasud ang reclamation project sa Consolacion kay gawas sa dili mominus sa 2 mil ka nga trabahante sa shipyard ang mawad-an og trabaho, dakong baha ang gikahadlukan nga moresulta tungod niini. Niadtong Hulyo gimandoan na ni Judge Allan Francisco Garciano sa Mandaue City Regional Trial Court 83 si Mayor Joannes Alegado nga dili ipasira ang mga shipyard sa Consolacion samtang aduna pay kaso bahin niini. Ang order ni Judge Garciano epektibo hangtud Disyembre ning tuiga, apan gipadayun pa gihapon ni Mayor Alegado ang pagpa-survey sa yuta sa Tayud diin 235 ka ektarya sa dagat ug baybayon niini ang tabunan o i-reclaim para himuong Seafront City. Tiaw mo na pwerteng kadako sa maong dagat sa Consolacion ang mawa tungod sa maong ambisyusong proyekto sa mga Alegado. Pila man sad kaha ka pamilya ang magutman kay mawad-an og panginabuhian sa kadagatan? Matud pa ni Bise Mayor Nene Alegado wala na kunoy mangisdaay sa Consolacion. Kadakong binuang. ...

GIMANDOAN ni Judge Allan Francisco Garciano sa Mandaue City Regional Trial Court 83 si Mayor Joannes Alegado nga dili ipasira ang mga shipyard sa Consolacion samtang aduna pay kaso bahin niini. Giluwatan ni Judge Garciano ang status quo ante order niadtong Hulyo nga epektibo hangtud Desyembre 31 ning tuiga. Ang desisyon sa huwis makahatag og temporaryong kalipay sa mga dos mil ka mga trabahante sa mga shipyard sa Barangay Tayud sa Consolacion nga namiligro nga mawad-an og trabaho tungod sa plano nga Seafront City kun reclamation project nga motabon sa 235.80 ka ektarya sa kadagatan sa maong barangay. Lakip sa mahawan ang mga shipyard sa maong dapit diin liboan ka mga trabahante ang maapektohan hinungdan nga nagsige ang ilang protesta batok sa proyekto ni Alegado. Matud pa sa mga trabahante, pandemya pa, ang nagbuhi na lang nila ug sa ilang mga pamilya ang mga shipyard sa Tayud; ug kung kini mawala pa, magutman gyud sila.  - Vatski  

MIKAKAK si Lapu-Lapu City Mayor Ahong Chan human gibadlong ni Presidential Spokesperson Harry Roque ang iyang Executive Order nga nagdili sa mga residente sa pagsud sa mga tindahan kung walay bakuna. Magsugod na unta ang “no vaccine, no entry” nga mando ni Chan karong Agusto 25 apan dali kini niyang gibakwi. “Breaking lang po. Nakakuha po tayo ng komunikasyon mula po kay Mayor Ahong ng Lapu-Lapu City, at yung kanyang EO No. 40 daw po na nagsasabi na di pwedeng pumasok sa mga commercial centers ang mga non-vaccinated has been revoked,” matud pa ni Roque. Ni Roque pa wala nay gamit ang EO ni Chan tungod kay gibutang naman sa MECQ ang tibuok dakbayan pasabot dili na gihapon kagawas ang kadaghanan tungod sa mga restrictions. “Uulitin ko po. Yung kontrobersyal na EO 40 sa Lapu-Lapu City has been revoked dahil ang Lapu-Lapu City ay napasailalim na sa MECQ, so wala na pong dahilan para ipatupad ang EO 40 dahil yun po ay para sa deklarasyon sa MGCQ lamang,” niya pa. Hangtud pa sa Agusto 15 an...

LAPU-LAPU CITY Councilor Rico Amores mihimakak sa pasangil ni Mayor Ahong Chan nga nanghagit siya’g gubat sa mayor. “Sa issue nga nanghagit kuno kog gubat sa mayor, dili intawn ni tinuod,” matud pa ni Amores sa iyang FB live.   Sa iyang Facebook post gahapon, si Chan nangkanayon nga gisultian siya sa usa ka konsehal nga miingun si Amores nga “gubat na kini”.   Apan hugot kining gihimakak sa konsehal, matud pa niya, konsehal ra siya, wa siyay gahum nga gubaton ang mayor. Wala sab siyay plano nga buhaton kini bisan og kontra-partido pa sila kay amigo sila.   “Aron masayud ang tanan, ang akong mga tawo ang casualty sa gubat ni Mayor Chan. Kay gitaktak silang tanan. Karon lang gyud ko motingog ani. Wala gyud mo kadungog nako diri sa FB or sa akong programa sa radyo nga nagyawyaw sa gibuhat sa mayor. Nganu? Kay dili ko gusto og gubot. Kinsa man kong makiggubat sa mayor nga konsehal ra man ko, wala man koy executive power sama niya,” matud pa ni Amores. Dungag pa sa konsehal n...

Angelie Lopez Kintanar NANGAYO og tabang ang pamilya ni Angelie Lopez- Kintanar nga makab-ot nila ang hustisya sa kamatayon sa ilang kapamilya, kinsang patayng lawas nakit-an nga gi-chop chop. Niadtong miaging tuig nabalita nga missing ang biktima, apan niini lang Enero nahibaw-an nga siya kadtong napalgan sa sapa sa Talamban nga gi-chop chop na.   Apan matud pa sa iyang igsuon nga si Ronald, hinay ang dagan sa imbestigasyon maong migamit na lang sila sa social media sa paglaum nga matabangan sila nga mapaspasan ang pagpadagan sa kaaso. Ang gi-chop chop nga lawas ni Angelie Base sa inisyal nga imbestigasyon, gituohan nga gipatay ang biktima sulod sa mga petsa Oktubre 19-22, 2020. Ang iyang lawas nga gitagod-tagod na gipaanod sa sapa sa Mandaue ug napalgan ang uban niini nga gisud sa sako sa Sitio Kalubihan sa Talamban, dakbayan sa Sugbo. Walay ulo, mga kamot ug tiil ang naa sa sako. Ang usa ka kamot napalgan sa Ouano Wharf sa Looc, Mandaue City, ug ang ulo sa Cabahug Wharf. Gipayub...

USA sa mga sikat nga baybayon sa Sugbo mao ang Tingko Beach Resort nga nahimutang sa   Barangay Daan sa Alcoy. Ang katin-aw nga tubig sa dagat, puti nga bas ug ang kalimpyo sa palibot maoy hinungdan nga bisag ang mga taga lagyong lugar modaghan gyud sa Alcoy para lang maligo sa Tingko. Gikan sa Southbus Terminal musakay ka lang ug Ceres o Sunrays bus nga nagbyahian Alcoy via Oslob Cebu. Ang plitehan dili mu menus sa P240 ug ang byahe mukabat sa 3 hantud 4 ka oras paingun sa maong laaganan. Pwede ra ka magbawon og pagkaon, wala ray mamadlong. Dili kamahayan ang maong kawsa sa inyong paglingaw-lingaw kay mo-entrance lang kini ug 20 ngadtu sa 50 pesos ug ma sinati na nimu ang kaanindot sa maong palibut. Jovit Mendez Matud sa nagbantay nga akong nahinabi kanina, dapat musunod gihapon ta sa lagda sa IATF kun health protocol kay ang probinsya sa Sugbu MGCQ pa man ug mapanglantawan sad sa maong lugar mga tourist police nga magbantay sa maong palibot. - Jovit C. Mendez, citizen reporter...

WALA pa katunga ang tuig apan P6 bilyones nalang sa P20B nga calamity ang nahabilin, matud pa sa National Disaster Risk Reduction and Management Council. Matud pa ni NDRRMC spokesperson Mark Timbal dakong pundo ang gibutang para sa rehabilitasyon sa Marawi City ug ang pagpadayun og tabang sa mga naigo sa mga kalamidad. "May remaining na lang tayo na P6 billion for activities of 2021. Kapag medyo naging aktibo na naman ang ating disaster situation, it's possible we will be seeking for augmentation funding para tuloy ang suporta natin for affected communities,” niya pa. P5 bilyon nga pundo ang gibutang sa Marawi samtang P13B sa mga nagkalain-laing kalamidad, matud pa ni Timbal.  

Duha na ka Sugbuanon ang nahibaw-an nga nagpositibo sa bag-ong variant sa COVID-19 kun B.1.1.7, usa taga Talisay ug ang usa taga Liloan. Mao kini ang bag-ong datus sa Department of Health, diin aduna nay 25 ka kaso sa maong sakit ang anaa sa nasud. Apan matud pa ni Mayor Samsam Gullas sa Talisay, ang ilang pasyente wala pa katunob sa dakbayan sa dihang nahibaw-an kini nga nagdala sa maong virus. Niya pa, gikan sa laing nasud ang 54 anyos nga Talisaynon ug samtang gikwrantina kini gawas sa Talisay, nahibaw-an kini nga positibo sa maong sakit. Matud pa sa mayor, naayo ra ang pasyente niadtong Pebrero 2 ug gipapauli na kini sa ilaha.   Likay sa virus inum og Lacto Pafi   

NIREKLAMO ang mga konsumidor sa kuryente sa Visayan Electric Company (VECO) tungod sa kadakong pagsaka sa ilang bill sa kuryente sa mga milabay nga mga buwan gani usa kanila adunay sobra sa P500,000 nga bayranan sa maong buhatan. “Attention VECO: Wala mo ma konsensya. Midangop diri kanato aron mangayo og tabang ang taga Ponce 1, Barangay Carreta. Dili nila makaya og data-datahan ang ilang bayrunon sa Veco tungod sa kadako na niini,” matud pa ni Edward Ligas, usa ka magsisibya. Si Ligas mireklamo usab sa VECO sa miaging tuig tungod sa dagkong bill sa iyang kuryente panahon sa pandemiya.   Ang mga mireklamo ang mosunod: 1. Josephine Sotelliza P546,718.73 2. Letecia Suyko P343,386.32 3. Remedios Naces P184,054.82 4. Manuelito Salinas P88,864.78 5. Nadelyn Montegrande P64,646.80 6. Diego Rabacal P58,261.42 Matud pa ni Ligas gitugutan tuod ni sila nga mag-datadata sa ilang bayranan, apan matud pa nila, mas maayo pang mangutang sa Turko kay aduna pay katapusan kumpara sa VECO nga murag m...

HAPIT na ta usa ka tuig aning atong pagpakigbisug sa #COVID19 pero nagkadugay murag wa gihapoy nakat-on atong mga lider diris Cebu.   Si Gobernador Gwen Garcia nasuko nganong magsige og sibya ang media sa statistics sa COVID-19 nga sa kadaghang sakit sa probinsya, nganung ang attention tua man aning sakita nga maayo ra man ang mataptan niini. Niingun pud ni siya nga dili lumba ang pagpalit og bakuna batok sa COVID, nga gisegundaan pud ni Mayor Edgar Labella sa Cebu City.   Base sa datus sa DOH-7 gahapon (Enero 27), ang probinsya aduna nay 580 ka mga aktibong kaso sa maong sakit; samtang ang Cebu City adunay 1,051.   Ang giingung number ni Gob. Gwen gikan ra usab sa DOH-7, nga igo ra sab gibalita sa media. Importante pud nga makahibaw ang publiko unsa nay sitwasyon sa tibuok Sugbo lakip na ang Cebu City para maglikay sila.   Unta no, imbes nga masuko, pangitaan na lang og paagi unsaon pagpaubos sa mga kaso kay pareha man tingali tang tanan og tumong - mawa na ning vir...

GIANGKON sa Department of Health (DOH) nga walo sa mga pasahero sa Emirates Dubai-Manila flight EK332 ug lima nga nakauban sa unang nagpositibo sa bag-ong variant sa #COVID19 ang nataptan sa maong sakit. Base sa unang test ubos ra ang cycle threshold sa virus sa mga pasyente. Ang bag-ong variant nga gikan sa UK nga gitawag og B.1.1.7 adunay taas nga viral load hinungdan nga mas paspas kining makatakod.   Apan i-swab og usab ang walo ka mga pasahero ugma, Enero 21, haron masuta kung dili ba kini bag-ong COVID-19 ang nitakod nila. Ang maong mga pasahero uban atong unang pasyente nga natakdan sa UK COVID-19 nga miabot sa Manila gikan sa United Arab Emirates niadtong Enero 7. Matud pa sa DOH, anaa sa maayong panglawas ang walo ka mga pasahero apan gi-isolate sila para di makatakod pa. Ang laing lima nga natapatan mao sila si. ang girlfriend sa unang pasyente nga natakdan sa Dubai   ang laing duha ka pasahero nga unang nagnegatibo ang kauban sa balay sa OFW usa ka healthcare worker...

ANG Land Transportation Office 7 mipahibalo sa mga nanag-iya og motorsiklo nga pwede na’ng makuha ang mga plaka sa SM Seaside. Matud pa ni Vic Caindec, regional director sa LTO 7, naabot na ang plaka alang sa mga motorsiklo nga narehistro gikan Pebro hangtud Abril 2018. Niya pa, sa dili pa moadto sa SM Seaside, pwede unang magpa-appoint pinaagi sa pag-text sa mga mosunod: Plate number of MV File Number Date sa unang registration Ngan sa tag-iya   Ipadala kini sa 09473499965. Matud pa sa LTO, kung walay appointment ug confirmation, di i-entertain. Ang pag-release buhaton lang kada alas 2 sa hapon hangtud 6:30, Lunes hangtud Biernes. Requirements: 1. Photocopy of Official Receipt (OR) 2. Photocopy of Certificate of Registration (CR); 3. Photocopy of owner’s Valid Government issued I.D.   4. If representative, notarized Authorization Letter with valid Government issued I.D. of both owner and representative. 5. If company-owned vehicle, notarized Special Power of Attorney (SPA) an...

Senador Sherwin Gatchalian nakugang sa dihang nahibaw-an niya nga adunay nigamit sa iyang credit card ug miabot na sa P1 million ang nakuha niini. “My credit card has just been hacked! May nag order ng P1M worth of food sa Food Panda in less than an hour. Ano yan, lauriat para sa buong barangay???” matud pa ni Gatchalian sa iyang Twitter post. Matud pa sa senador, giilisan sa hacker ang numero sa telepono nga naka-connect sa maong credit card ug didto na gipada ang one-time PIN o OTP, nga gamiton sa bangko isip seguridad sa credit card nga ikaw gyud ang nigamit niini.   Dugang pa ni Gatchalian, kamao ang hacker sa iyang gibuhat, ang pangutana lang, unsaon niya pagkaon sa mga gi-order sa Food Panda nga nagkantidad na og P1M. Base sa transaction, adunay upat ka order nga gihimo ang hacker niadtong Martes, Enero 5: gikan sa 4:47 p.m. hangtud 5:49 p.m.   Ang unang order mikabat og sobra P96,000; adunay usa ka order nga P323,000; laing P356,000 sa ikatulong order; ug sobra P300,000...

Si Talisay City Mayor Samsam Gullas migahin na og pundo alang sa pagpalit og bakuna batok sa   COVID-19. Matud pa ni Gullas, andam na nga mopalit ang dakbayan sa mga bakuna, ug naghuwat na lang sila sa guidelines gikan sa national government. Dugang pa ni Gullas dili mominus sa P40 milyones nga pundo ang gigahin sa dakbayan alang sa maong programa. Dili man mahatagan ang tanan, ang mayor nagkanayon nga unahon ang mga senior, bata ug mga daling mataptan sa sakit.   Ang dakbayan adunay sobra sa 100,000 ka mga residente diin 1038 niini ang naigo sa maong sakit samtang 102 ang nangamatay sukad sa pagsud niini sa maong dakbayan niadtong 2020. Base sa datus sa Department of Health sa Enero 3, 2021, aduna nalay 14 ka aktibong kaso sa coronavirus sa maong dakbayan. - VATSKI  

LALAKI gisikop sa mga miembro sa Lapu-Lapu City Police Office and the Regional Anti-Cyber Crime Unit human nasakpan nga iyang gi-blackmail ang iyang uyab nga ipagawas ang mga malaw-ay nga hulagway niini sa social media. Gi-entrap gahapon ang suspek sa kapulisan human mireklamo ang girlfriend sa plano sa iyang plano sa pagpakauwaw sa biktima. Wala pa masayri kung gibuwagan ba kini ug buot nga makigbalik. Nagtingkagol na ang maong suspek samtang naghuwat sa kasong kriminal nga ipasaka batok kaniya.  

NAKAADTO na ba kamog Boljoon?   Usa sa mga gideklarar sa National Historical Commission nga Cultural Center of the South mao ang lungsod sa Boljoon. Kini human sa   1998 nga deklarasyon nga ang Boljoon Parish Church iya nga gipaubos sa conserbasyon ug restorasyon. Ang mao'ng parokya aduna'y pangedeaon nga lapas upat (4) ka siglo kun' more than 400 years human kini gitukod niadto'ng 1599. Makita sab sa mao'ng hulagway ang gihimo na karon nga kampanaryo kun "watchtower" kaniadto panahon sa gubat isip proteksyon batok sa mga mananakop.   Sa lain'g bahin, aduna pu'y imprastraktura sulod rapud sa gitawag nila nga "muralya" o daku'ng hawanan kilid, atubangan ug lukop nga palibot sa nahisgutan'g simbahan ang ESCUELA CATOLICA nga gitukod niadto'ng 1940. Kini ang karaan'g tunghaan sa mga katekista ug nabantug na karon nga usa sa mga maanindot nga talan-awon sa Lungsod sa Boljoon nga nahimutang sa habagatan'g bahin sa Sugbo. -  ...

Nasinati ganihang hapon ang kahuot sa trapiko ug baha sa Barangay Tayud, Consolacion. Kini human aduna'y naputol nga tubo sa tubig nga padayun lang nibugwak ug kusog nga tubig nga ni mugna ug gi bana-bana nga tunga sa dupa nga hitas-on sa tubig nga mao'y hinungdan sa pag bara sa trapiko.   Alang sa mga nagplano nga muadto o pagawas sa Consolacion, paglikay nalang sa pag-agi sa Cansaga Bridge. - Jovit Cardama Mendez , Citizen Reporter   Sponsored by Lacto Pafi

Missing: Angelie Lopez Kintanar, 37.  Ulahing nakit-an niadto pang Setyembre. Sa mga adunay nahibaw-an kung asa na ni siya, contact lang sa Subangdaku Police Station:  328-0673. Sponsored by Lacto Pafi